- 741 -

1449. Mai 5.

Vnsern fruntlichen grus zuuor. Erber vnd weize lieben frunde, als ir vns schreibt, wie herczog Wlodko sich mit den Polan voreynet habe, diese lande zuobirczihn vnd das das etliche fursten vorhengen wellen etc. sulchir warnunge dancken wir euch vnd wir wellen vns gerne dorumme dirfaren vnd was wir erfaren mogen, das wellen wir euch gerne zuwissen tun, vnd wurde es notdurfft seyn, so wellen wir neben euch doran sein, das wir die gesworn vnsers bundes an eyne beqweme stat zu eyme tage zusampne brengen mogen vnd was der lande bestis ist, das sal an vns nicht abegehen noch gebrechin. Geben am montage noch Jubilate anno etc. XLIX°.
Ratmanne der stat Breslow.

Mit Rückaufschrift an den liegnitzer Rath.

Orig. Kgl Bibl. z. Berl. Ms. Boruss. f. 568. No. 35.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866